अमेरिका,  क्यालिफोर्नियामा बसोबास गर्ने युवाहरुको समुहले लैंगिक हिंसा विरुद्ध  जनचेतना फैलाउने छोटो चलचित्र “राईजप” ८८४८ पिक्चर्स को आधिकारिक यूट्यूब च्यानलबाट सार्वजनिक गरिएको छ। यस चलचित्रमा मुख्य कलाकारहरु सन्देश थापा र दिब्ना थापाले अभिनय गरेका छन । उक्त चलचित्रमा शंकर राज वाग्ले (एस.राज) र सन्जय कार्कीको छांयाकन रहेको छ भने चलचित्रको निर्देशन शंकर राज वाग्ले आफैले गरेका हुन् । पेन्सिल भनिया निबासी शुस्मिक लामाको संयोजन रहेको यस चलचित्रमा अन्य कलाकारहरु  साजन लामा ,अनिसा ओली ,अशुतोष ओली, श्याम सेढाई ,  सामाजिक अभियन्ता टेक वाईबा लामा , नुतन काफ्ले , विष्णु राउत, निरता कार्की, बन्दना बस्नेत र ईरानी कलाकार डोरीन टबिवियनको समेत अभिनय देख्न सकिन्छ । यसमा मेकअप आर्टिस्टको भुमिका स्पर्श थ्रेडिंग एण्ड ब्यूटीकी ब्युटीसियन निरता कार्कीले गरेकी छिन् ।

यस चलचित्रको कथाबस्तु सचारकर्मी डोल्मा लामाले लेखेकी हुन् । बास्तविक जिवनमा घटिरहेका त्यस्ता विभिन्न लैंगिक हिंसाका घटनाहरुलाई पर्दामा उतार्ने कोशिस गरिएको छ । यस समुहले अन्तराष्ट्रीय डायस्पोरामा भैरहेको विभिन्न हिंसा , हत्या र समाजमा घटिरहेका सामाजिक विकृतिसंग सम्बन्धित जनचेतनामुलक भिडियोहरु निर्माण गरीरहेको छ । यहॉस्थित  अमेरिकन युनिभर्सिटि अफ सोभेरिगनबाट बिध्याबारिधि गर्दै गरेकी कथाकार लामाले आगामी दिनहरुमा बिभिन्न हिंसाहरु बारे जनचेतना फैलाउने एंव घटनाहरुलाई न्युनिकरण गर्ने कार्य निरन्तर जारी राख्ने बताईन ।